Einar Guðmundsson
Löggiltur fasteignasali
Hverfisgata 58, 220 Hafnarfjörður
82.900.000 Kr.
Einbýli/ Einbýlishús með aukaíbúð
8 herb.
144 m2
82.900.000
Stofur
3
Svefnherbergi
5
Baðherbergi
2
Inngangur
Sér
Byggingaár
1926
Brunabótamat
44.800.000
Fasteignamat
61.100.000

EG-fasteignamiðlun kynnir:

HVERFISGATA 58 Í HAFNARFIRÐI - FALLEGT OG SJARMERANDI EINBÝLISHÚS RÉTT VIÐ LÆKINN Í GAMLA BÆNUM Í HAFNARFIRÐI.

HÚSIÐ ER SELT. MIKIL EFTIRSPURN ER EFTIR SÉRBÝLUM Í HAFNARFIRÐI OG ÞVÍ VANTAR FLEIRI SLÍKAR EIGNIR Á SKRÁ.

Bókaðu skoðun í síma 896-8767 eða á netfangið; [email protected]


Um er að ræða 144 fermetra klassískt timburhús, hæð og ris með steinsteyptum kjallara, sem byggt var árið 1926. Húsið er af þeirri gerð sem algeng eru í gamla bænum í Hafnarfirði, þ.e.a.s. portbyggt, bárujárnsklætt timburhús, með svokölluðum Hafnarfjarðakvistum, sem eykur til muna nýtingu á rishæð hússins.
Upphaflega voru 2-3 íbúðir í húsinu en það er nú einbýlishús með stúdíórými í kjallara. 

Komið er inn á miðhæðina inn í bjarta og afar rúmgóða flísalagða forstofu með hita í gólfi, sem byggð var við húsið þegar það var stækkað, skv. teikningu frá árinu 1958.
Inn af forstofu er nýlega endurnýjað flísalagt baðherbergi með góðri sturtu, upphengdu salerni, vaski í innréttingu, handklæðaofni og glugga.
Á hæðinni eru þrjár bjartar stofur, tvær setustofur og ein borðstofa. Eldhúsið er með dökkri innréttingu með gashelluborði, viftuháfi og blástursofni sem byggður er inn i vegg. Inngangengt er úr eldhúsi niður í kjallarann.

Úr forstofunni liggur stigi upp á rishæðina þar sem eru 3-4 svefnherbergi. Aðeins lítill hluti rishæðar er undir súð, en kvistir eru beggja megin, við götu og út í garð. Af rishæðinni er gott útsýni yfir lækinn og hamarinn. 
Upprunalegar gólffjalir eru á 1. hæð og í risi nema á  forstofu og baðherbergi þar sem eru flísar.

Sérinngangur er inn í kjallarann þar sem er flísalögð forstofa og salerni og nýlega innréttað stúdíórými sem hentar vel til útleigu. Ennig er þar þvottahús og geymsla. Góður möguleiki væri á að endurinnrétta kjallarann og gera þar t.d. fullbúið baðherbergi.


Góður suðurgarður er baka til með kletti, reynitrjám, berjarunnum og lítilli grasflöt. Húsinu fylgir bílastæði inn á lóðinni og geymsluskúr sem möguleiki er á að stækka auk lítillar geymslu í baklóð. 

Húsið er vel staðsett rétt við Lækinn og örstutt göngufæri er í miðbæ Hafnarfjarðar með allri þeiri þjónustu sem hann hefur upp á að bjóða. Einnig er örstutt göngufæri bæði í leik og grunnskóla, og minna en 70 metrar í næstu strætóstöð.  

Endurbætur og viðhald:
Nýlokið er endurbótum á hluta kjallara (2021) þar sem innréttað hefur verið stúdíóíbúðarrými. Gólf var flotað og rýmið málað auk þess að lagt var nýtt rafmagn og sett upp ný innrétting með vaski, ofni og helluborði. 
Árið 2018 var baðherbergi á aðalhæðinni tekið í gegn. Það var flísalagt, skipt um öll tæki og vatnslagnir endurnýjaðar að fullu. Einnig var skipt um einangrun og klæðningu á veggjum og í lofti, gólf flotað og útbúin sturta. 
Húsið var málað að utan sumarið 2017. Á sama tíma var járn á þaki einnig málað og en mögulega er kominn er tími á að skipta um þakplötur á viðbyggingu yfir forstofunni. 
Skipt var um flesta glugga í húsinu 1990, en upphaflegir gluggar eru í kjallara og á vesturgafli.  

*Ath. teikningin sem er á vefnum er ekki alveg í samræm við raunverulegt skipulag í dag en þó að mestu leyti.

Allar nánari upplýsingar veitir:
Einar Guðmundsson
Lögg. fasteignasali
s. 896-8767
[email protected]



 

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.