Einar Guðmundsson
Löggiltur fasteignasali
Laugarnesvegur 92, 105 Reykjavík (Austurbær)
51.900.000 Kr.
Fjölbýli
4 herb.
83 m2
51.900.000
Stofur
1
Svefnherbergi
3
Baðherbergi
1
Inngangur
Sameig.
Byggingaár
1958
Brunabótamat
28.350.000
Fasteignamat
42.950.000

EG - fasteignamiðlun kynnir:

LAUGARNESVEGUR 92 - BJÖRT, FALLEG OG VEL SKIPULÖGÐ 4RA HERBERGJA ÍBÚÐ Á 2. HÆÐ Í GÓÐU FJÖLBÝLISHÚSI
TEIKNUÐU AF SIGVALDA THORDARSON ARKITEKT.


Íbúðin er upphaflega teiknuð með tveimur svefnherbergjum en búið er breyta henni þannig að eldhúsið er komið í opið rými við stofu og fyrir vikið bætist við þriðja svefnherbergið.
Komið er inn í flísalagt hol/gang með fatahengi og skápum. Eldhúsið sem er opið við stofu er með flísum á gólfi, Miele blásturofni og eyju með innbyggðum útdraganlegum Liebherr Premium kæli frá Eirvík.
Innaf eldhúsinu er svefnherbergi með kókosteppi á gólfi. Björt og góð stofa og borðstofa með fallegu eikarparketi og stórum suðurgluggum. Útgengt er frá stofu/eldhúsi út á stórar og skjólgóðar suðursvalir.
Baðherbergi er flísalagt og þar er baðkar með sturtu, innrétting, handklæðaofn og gluggi. Tengt er fyrir þvottavél og þurrkara á baði. Barnaherbergi með parketi. Hjónaherbergi með parketi og fataskápum sem ná yfir heilan vegg. Í kjallara er góð sérgeymsla með hillum og glugga (er ekki inn í uppgefnum fermetrum fyrir eignina hjá Fasteignaskrá), stórt og gott sameiginlegt þvottahús með þvottavél í eigu húsfélagsins, hjólageymsla og salerni. Einnig er í kjallara fjögur herbergi (15-25 fm) sem eru í eigu húsfélagsins og íbúar geta fengið leigð gegn vægu gjaldi. Aðilar skrá sig á biðlista.
Stór og falleg sameiginleg skjólgóð lóð með grasflöt og fallegum trjágróðri.
Frábær staðsetning í barnvænu hverfi, rétt við útivistarparadísina í Laugardal, með öllu því sem hann hefur upp á að bjóða.
Örstutt í skóla, leikskóla og Laugardalslaugina svo ekki sé minnst á sérverslanir af ýmsu tagi, t.d. Fiskbúðina Sundlaugarvegi, Pylsumeistarann, Brauð og co., Ísbúðina við Laugalæk, Frú Laugu og Kaffi Laugalæk, svo eitthvað sé nefnt. Í næsta nágrenni er svo Borgartúnið með ýmiskonar þjónustu m.a. fjölda veitingastaða. Göngufæri út á sjávarsíðuna og í miðborgina.
Síðustu ár hefur húsfélagið sinnt ýmiskonar víðtæku viðhaldi.

2019 vöru múrviðgerðir á suðurhlið og austurgafli hússins og suðurhlið þaks endurnýjuð. Gert var við glugga þar sem þörf var á og og skipt um gler víða og m.a. í stofuglugga þessarar íbúðar.  Svalirnar slípaðar og flotaðar.
2020 voru múrviðgerðir á norðurhlið hússins og skipt um gluggaþil í stigahúsum til samræmis við upprunalegt útlit húsins. Einnig voru bíslög máluð og sett hert gler í kjallaraglugga. Skipt var um skólprör frá öllu fjórum fallstömmum hússins og út úr húsi.
Skv. yfirlýsingu húsfélags liggja ekki fyrir neinar væntanlegar eða fyrirhugaðar framkvæmdir þó gera megi ráð fyrir hefðbundnu viðahaldi næstu 2-4 árin.

 

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.