EG-fasteignamiðlun kynnir:

BUGÐULÆKUR 20 - FALLEG CA. 127 FM NEÐRI SÉRHÆÐ ÁSAMT 40 FM BÍLSKÚR, SAMTALS CA. 167 FM,  Í REISULEGU OG FALLEGU  ÞRÍBÝLISHÚSI Á GÓÐUM STAÐ Í LAUGARDALNUM.

Sérinngangur inn í flísalagða forstofu. Frá forstofu er farið niður í sameign í kjallara.
Innaf forstofu er svefnherbergi með flísum á gólfi og fataskáp. 
Stór og björt stofa og borðstofa með parketi og fallegum úthleyptum glugga sem setur mikinn svip á stofuna.  Frá forstofu er útgengt út á yfirbyggðar svalir í suður með stórum opnalegum glugga sem hægt er að renna til hliðar.
Nýlega standsett eldhús með korkflísum á gólfi og hvítri innrettingu með miklu skúffu og skápaplássi. 
Innaf eldhúsi er stórt svefnherbergi með parketi og lausum fataskáp. Útgengt er frá herberginu út á svalirnar.
Flísalagt baðherbergi með baðkari, innréttingu og glugga. Til er ný sérsmíðuð, óuppsett baðinnrétting sem getur fylgt með í kaupunum.
Á herbergjagangi er hjónaherbergi með parketi og fataskápum og annað minna barnaherbergi með parketi.

Eigninni fylgir 40 fm bílskúr með hita, vatni og rafmagni. Sér afnotaréttur af stæði fyrir framan bílskúr.
Stór og góð sameiginleg lóð með grasflöt og trjágróðri.
Húsið hefur fengið gott viðhald í gegnum árin: Það var endursteinað árið 2010. Þak var endurnýjað árið 2009. Skólp og drenlagnir voru endurnýjaðar árið 1998 og myndaðar aftur 2017. 
Frábær staðsetning í rólegri götu rétt við útivistarparadísina í Laugardal, með öllu því sem hann hefur upp á að bjóða. Örstutt í skóla, leikskóla og Laugardalslaugina svo ekki sé minnst á sérverslanir af ýmsu tagi, t.d. Fiskbúðina Sundlaugarvegi, Pylsumeistarann, Brauð og co., Ísbúðina við Laugalæk og Kaffi Laugalæk, svo eitthvað sé nefnt. Í næsta nágrenni er svo Borgartúnið með ýmiskonar þjónustu m.a. fjölda veitingastaða. Göngufæri út á sjávarsíðuna og í miðborgina.