EG-fasteignamiðlun kynnir:

BUGÐULÆKUR 20 - FALLEG OG VEL SKIPULÖGÐ 99 FM ÍBÚÐ MEÐ SÉRINNGANGI  Í REISULEGU OG FALLEGU ÞRÍBÝLISHÚSI Á GÓÐUM STAÐ Í LAUGARDALNUM.

Sérinngangur inn í flísalagða forstofu með fataskáp. 
Frá forstofu er farið inn í svefnherbergi með parketi og fataskáp. Beint inn af forstofu er hol með parketi og frá því er farið inn í aðrar vistaverur. 
Stór og björt stofa og borðstofa með parketi og fallegum bogadregnum glugga sem setur mikinn svip á stofuna. 
Eldhús er með korkflísum á gólfi og hvítri innréttingu með mósaík flísum á milli efri og neðri skápa. 
Baðherbergið er flísalagt í hólf og gólf og þar er baðkar, innrétting og gluggi. 
Stórt og gott svefnherbergi með parketi og góðum fataskápum. 
Frá holi er farið inn í sameignina og þar er þvottahús og góð sérgeymsla.
 
Stór og góð sameiginleg lóð með grasflöt og trjágróðri.
Húsið hefur fengið gott viðhald í gegnum árin: Það var endursteinað árið 2010. Þak var endurnýjað árið 2009. Skólp og drenlagnir voru endurnýjaðar árið 1998 og myndaðar aftur 2017. 
Frábær staðsetning í rólegri götu rétt við útivistarparadísina í Laugardal, með öllu því sem hann hefur upp á að bjóða. Örstutt í skóla, leikskóla og Laugardalslaugina svo ekki sé minnst á sérverslanir af ýmsu tagi, t.d. Fiskbúðina Sundlaugarvegi, Pylsumeistarann, Brauð og co., Ísbúðina við Laugalæk og Kaffi Laugalæk, svo eitthvað sé nefnt. Í næsta nágrenni er svo Borgartúnið með ýmiskonar þjónustu m.a. fjölda veitingastaða. Göngufæri út á sjávarsíðuna og í miðborgina.