Einar Guðmundsson
Löggiltur fasteignasali
Garðastræti 11, 101 Reykjavík (Miðbær)
69.900.000 Kr.
Einbýli
3 herb.
123 m2
69.900.000
Stofur
1
Svefnherbergi
2
Baðherbergi
1
Inngangur
Sér
Byggingaár
1895
Brunabótamat
43.100.000
Fasteignamat
63.700.000

GARÐASTRÆTI 11A, HÁKOT - EINSTAKT  OG FRIÐAÐ EINBÝLISHÚS Í GRJÓTAÞORPINU SEM GEYMIR DÝRMÆTA BYGGINGARSÖGU REYKJAVÍKUR 

HÚSIÐ ER SELT MEÐ FYRIRVARA UM FJÁRMÖGNUN.

Húsið sem er byggt árið 1893, stendur efst í Fischersundi á 177,5 fm eignarlóð, er ein hæð og ris sem er portbyggt að hluta. Undir helming hússins er kjallari.
Kjallarinn og hæðin eru hlaðin úr höggnu grágrýti en risið og stigahúsið sem er byggt seinna eru úr timbri og klædd bárujárni.
Húsið er skráð 123,5 fm að stærð en gólfflötur þess er meiri þar sem að ekki mælist það sem er undir súð í risinu.
Það skiptist þannig að á hæðinni er lítið hol, stofa og eldhús og í risinu eru tvö góð svefnherbergi og baðherbergi. Undir húsinu er svo kjallari sem ekki er með fullri lofthæð en þar eru geymslur og þvottaaðstaða. Til eru teikningar sem sýna dýpkun á kjallaragólfi.
Húsið hefur verið talsvert endurnýjað síðastliðin 30-40 ár og  meðal þess sem gert hefur verið, er að það var allt einangrað upp á nýtt, allar lagnir endurnýjaðar og skipt um alla glugga og gler. Í tengslum við allar framkvæmdir og breytingar á þessum tíma, hefur verið leitast við að viðhalda því í sem upprunalegastri mynd undir leiðsögn Hjörleifs Stefánssonar arkitekts og má geta þess að Umhverfismálaráð Reykjavíkur veitti eiganda viðurkenningu fyrir gamalt hús sem vel hefur tekist að varðveita.
Stór og góð afgirt lóð með grasflöt og á henni stendur glæsilegt ca. 20 metra hátt tré, Alaskaösp, sem tilnefnt var tré ársins árið 2016 af Skógræktarfélagi Íslands, og setur það mikinn svip á umhverfi Grjótaþorps.

Húsið, Hákot, er byggt á þeim tíma þegar farið var að byggja hús úr höggnu grjóti hér á landi og meðal annarra bygginga sem byggðar voru með þeim hætti á þessum tíma má t.d. nefna Landsbankahúsið í Austurstræti.
Það er og eina húsið af sinni gerð í hverfinu og er í raun eitt fárra tómthúsa (þurrbúða) sem eftir eru þar og er eitt að fáum varðveittum dæmum um séríslenska þróunn í byggingarsögu hlaðina steinhússa til íbúðar og setur sterkan svip á umhverfi sitt.
Húsið geymir mikla sögu Grjótaþorpsins og samkvæmt sóknarmannatali var fyrsti íbúi þess Jón Þórðarson, tómthúsamaður, bæjarfulltrúi og útgerðarmaður.
Ytra byrði hússins er friðað.

Allar nánari upplýsingar veitir:
Einar Guðmundsson
Lögg. fasteignasali
s. 896-8767
[email protected]

 

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.