Sólheimar, Reykjavík (Vogar)

  • Tegund:
    Hæð
  • Stærð:
    139
  • Fasteignamat:
    49.650.000
  • Brunabótamat:
    38.450.000
  • Áhvílandi:
    0
  • Herbergi:
    4
  • Svefnherbergi:
    3
  • Baðherbergi:
    2
  • Stofur:
    1
  • Þvottahús:
  • Bílskúr:
    nei

Verð: 61.900.000 kr

Sólheimar, Reykjavík (Vogar)

EG-fasteignamiðlun kynnir:



SÓLHEIMAR 28 - GLÆSILEG, BJÖRT OG TALSVERT ENDURNÝJUÐ EFRI SÉRHÆÐ Í FALLEGU ÞRÍBÝLISHÚSI Á GÓÐUM STAÐ VIÐ LAUGARDALINN - TVENNAR SVALIR OG GOTT ÚTSÝNI .




Komið er inn um sérinngang inn í flísalagt andyri. Flísalagður stigi liggur upp á hæðina upp í hol með góðum fataskápum.

Innaf holi er flísalagt gestasalerni með innréttingu og glugga.

Eldhúsið sem er í opnu rými og var endurnýjað 2013, er með flísum á gólfi.  Sérsmíðuð hvítsprautulökkuð innrétting frá Axis með granít borðplötum og miklu skúffu og skápaplássi. Eyja með eikarútliti er með AEG spanhelluborði með viftuháf yfir. Ofn í vinnuhæð, uppþvottavél og tvöfaldur Samsung ísskápur. Innfeld dimmanleg lýsing í lofti.

Tvö barnaherbergi eru með parketi.

Gengið er niður eitt þrep í stóra og bjarta samliggjandi stofu og borðstofu með parketi og er útgengt um tvöfalda hurð út á svalir í suður. Fallegt útsýni er frá stofugluggum. Ef vill mætti mögulega stúka af innst í stofunni eitt herbergi.

Einnig er gengð niður eitt þrep í lítinn gang með góðum fataskápum. Þar innaf er annars vegar baðherbergi og hjónaherbergi.

Baðherbergið er flísalagt í hólf og gólf. Þar er baðkar með sturtu, upphengt salerni, innrétting með vaski, handklæðaofn og útgengi út á svalir í norður.

Hjónaherbergi er með parketi og góðum fataskáp.



Íbúðin sem er sérlega björt og falleg er með mikilli lofthæð og er einkar smekklega innréttuð. Glæsilegt útsýni er m.a, til Snæfellsjökuls og Esjunnar í vestri og norðri og til Bláfjalla í austri. Á gólfum eru svartar náttúruflísar og eikarparket.



Í kjallara er góð sérgeymsla og sameiginlegt þvottahús og rými sem nýta mætti sem hjólageymslu.

Sameiginlegur garður með grasflöt og fallegum trjágróðri. 

Húsið var málað að utan árið 2010, skólplagnir endurnýjaðar árið 2004 og skipt var um járn á þaki árið 2001.

Frábær staðsetning þar sem stutt er í alla þjónustu svo sem skóla, leikskóla og útivistarperluna Laugardalinn, með öllu því sem hann hefur upp á að bjóða.



Birt flatarmál eignarinnar er í dag skráð hjá Þjóðskrá 122,1 fm en skv. nýrri eignaskiptayfirlýsingu sem er í vinnslu er birt flatarmál eignarinnar 139,3 fm og þar af er íbúðin 127,6 fm og geymslan 9,4 fm. Skv. sömu eignaskiptayfirlýsingu fylgja bílskúrsréttindi eigninni á móti eign 01-0101.

Nýtt fasteignamat sem tekur gldi þann 01.01.2019 er kr. 53.350.000,-


 




Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd